الخلاصات
قبل حوالي شهرين رجعت لعالم الأجهزة الكفية بعد إنقطاع طويل ..
بعد تفكير طويل وحيرة بين أكثر من جهاز من بينها iPhone و Blackberry استقريت أخيراً على الجهاز الرائع HD2 من الشركة الرائدة HTC ..
الجهاز خطير ومن أفضل الأجهزة اللي استخدمتها لليوم .. وأنصح كل المهتمين بالتقنية يخلون الجهاز من ضمن الخيارات القادمة إذا يفكرون يغيرون ..
وسمع المهتمين منكم خبر عن قرب إطلاق Windows لنظام التشغيل الجديد Windows Phone 7 واللي طلعت له عدة صور تبين إن النظام قوي وممكن تخلينا Windows نقتنع بأنّها قد اللعبة ..
لكن خيبة الأمل وأنا أبحث اليوم إن وندوز صرّحت إنهم -للحين- ماراح يعتمدون رسمياً ترقية HD2 للنسخة الجديدة إذا نزلت ..
وكان نصّ التصريح :
“. We currently do not have plans to update the HTC HD2 to Windows Phone 7 Series.”
كلي أملي يعيدون النظر بهـ النقطة .. الجهاز قوي جداً ويتحمل نظام جديد ..
بسيطة .. نفك الحماية ونركبه إن شاء الله
الجاهز شاريه شاريه ان شاء الله .. بس احتري جهازي يخرب ..
أكيد بفك الحماية بيركب .. لكن كان المفروض يكون نسخة أصلية للي عندهم HD2 ع الأقل .. :/
مرحبا ,
فيه مواقع عربية تتكلم عن هالجهاز بصورة واضحة وتتكلم عنه بإسهاب ؟
نفسي بصراحة أخذ فكرة عنه أوسع عشان اشتريه وبكم ألاقيه ؟ وشكراً : )
مرحبا أبوصالح..
أعتقد إن الشيء اللي يميّز الآيفون من ناحية السوفت وير إنه مدعوم من الشركة الأم ويتم تطويره باستمرار وعلى معرفة مسبقة للمستخدمين، وهالشيء اللي يضمن الراحة للمستخدمين.
لكن على أية حال، شخصياً أرغب بتجربة أحد جوالات HTC ، أبشوف الولاء اللي تكنّه لهم من وين جاي
هلا عبدالله ..
امممممم أعتقد فيه فرق كبير بين استخدام الآيفون وجوالات البوكيت بي سي الباقية ..
الآي فون يناسب الملتميديا .. الألعاب .. التطبيقات الخفيفة أكثر ..
HTC ومن صف صفها ياخذون جوانب أعمق تطبيقياً ونقدر نقول عملياً ..
بتجرب HTC إن شاء الله وبتعرف جانب تميزهم ..
شرفتنا يالغالي ،،