[ ملاذ روح ] http://m-ro7.com/BLOG ... لئلا نفقد الأمل بوجود أرواحنا ! Fri, 28 Jan 2011 19:21:46 +0000 en hourly 1 http://wordpress.org/?v=3.3 بين خطوط يد ملوحة (٣) http://m-ro7.com/BLOG/?p=290 http://m-ro7.com/BLOG/?p=290#comments Fri, 28 Jan 2011 19:21:46 +0000 mohand http://m-ro7.com/BLOG/?p=290 جلسنا كم يوم بدالاس -واشنطون تقريباً- كان الجو فيها بارد حول الصفر يزيد وينقص .. وعرفت ليه هم يحبون الأجواء الصافية والشمس .. عكس حالنا يوم كنا بالسعودية نموت بشي اسمه غيم وسحاب ..

المشكلة اللي اقلقتنا الهوا .. كان بارد بشكل كبير .. ومع إننا نلبس إلا إن وجهينا راحت فيها .. تحس مع قوة الهوا إنك ما عاد تحس بوجهك .. هذا والثلج ما نزل الا يوم واحد كيف لو كان كل يوم!!

بس بالعموم متعة التمشي الصبح بهالجو .. حول الفندق -حوالي عشرين دقيقة مشي- مركز المدينة عبارة عن مول وحوله كم مطعم وقبلها محلات كبيرة مثل ساكو واكسترا وكذا ..

أفطرنا الصبح أول يوم بمطعم اسمه Mimi’s فطورهم لذيييذ جداً .. طلعنا شرايح جوال من T-mobile وعندهم عرض خطييير ..

العرض العائلي : له أكثر من فئة حنا أخذنا Unlimited يعني : دقايق اتصال غير محدودة، انترنت غير محدود، رسايل غير محدودة، تشمل البلاكبيري وأي خدمة تبيها بريد صوتي ووو ، على شريحتين يعني رقمين وشهرياً ١٥٢ دولار!! يعني ٥٧٠ ريال بس!!

مافيه أي مقارنة مع الأسعار بشركات الاتصالات بالسعودية، المشكلة قريت كثييير من مبتعثين إن شركات الاتصال بالسعودية أفضل وووو ما أدري من وين جايبين هالكلام بس!

على الطاري : زوجتي قرت كثير بالنت إن فيه أشياء واجد لازم تجيبينها معاك من السعودية لأنها مو موجودة عندهم! وقالوا من ضمنها الشناط والملابس ووو وصراحة شفت أنواع ملابس وخيارات ما كنت أحلم بربعها بالسعودية .. سواءً لي أو لها .. وشفنا أنواع وأشكال من الشناط وكثير أشياء قالوا ما راح تحصلون مثل اللي بالسعودية!

فـ لا تاخذ كل الكلام اللي تقراه بالنت إنه هو الصح والواقع .. فيه كثير من الناس يتكلمون من منظورهم الشخصي البحت ومن تجربة بسيطة جداً ما حوت ولا ربع اللي موجود بالواقع ع الأقل!

وهذا ما يعني إنك ما تستفيد من تجارب غيرك! .. لكن لا تخليها الشي الصح أو الأصل .. خلها مرشد أو تنبيه أو احتياط وأحكم على كل شي بنفسك ..

بالأيام الأولى كان فيه مثل الصدمة الحضارية لأن أمريكا مختلفة حتى عن أوروبا .. مكان مختلف تماماً من العالم .. أحاول دايم أستمتع باللي اشوف واجربه بغض النظر عن السلبيات الموجودة.

من أفضل الأشياء اللي لاحظتها -وهي مب موجودة عندنا يالمسلمين للأسف- هي انهم دايم بالصباح يقولون “صباح الخير” واذا دخلت محل مثلاً واخذ حاجة وطلعت يقولون “يوم سعيد” أو “ليلة سعيدة” أو “إجازة نهاية أسبوع سعيدة” يوم الجمعة مثلاً ، والجميع يقول كذا .. اللي يبيع بالمحل واللي تسوي الكوفي بستار بوكس وسواق الباص واللي يقص التذكرة بالمطار والفندق والمطعم وووو وهالشي فعلاً ايجابي وشفت أثره على نفسي.

ضروري نهتم بلباقة الكلام مع كل الناس هالشي مهم جداً ومفيد.

Share

متعلقات

  • لا متعلقات لهذه التدوينة!
]]> http://m-ro7.com/BLOG/?feed=rss2&p=290 2 بين خطوط يد ملوحة (٢) http://m-ro7.com/BLOG/?p=287 http://m-ro7.com/BLOG/?p=287#comments Sun, 23 Jan 2011 18:18:19 +0000 mohand http://m-ro7.com/BLOG/?p=287 الرحلات الطويلة متعبة جداً خصوصاً إذا كنت رايح مكان جديد عليك لأنك بس تبي توصل وتخلص كل شي وكل شوي تتذكر شي تخاف يدقر لك ..

كنا طالعين على الخطوط القطرية وهي خطوط حلوة بالمناسبة .. مقاعدهم حلوة ومريحة نسبياً .. برنامجهم الترفيهي أكثر من مميز .. وأكلهم حلو جداً ..

تأخرنا بالإقلاع من الدوحة ما أدري ليه حول نص ساعة .. بالرحلة كان فيه أكثر من مضيف ومضيفة يخدمون القسم اللي حنا فيه .. كان من ضمنهم وحدة أوروبية الظاهر بس تعاملها وخدمتها مب جيدة أبداً .. ومكشرة طول الوقت ..

سألتها عن أكثر من شي وترد بطرف خشمها ، وصرت أسأل غيرها لين طحت بواحد أوروبي برضو اسمه “مارسيل” وكان واحد مؤدب جداً وخدمته سريعة .. وبس يبتسم .. وفعلاً لما تشوف الفرق بين تعامل اثنين يخدمونك نفس الخدمة وعليهم نفس الواجب تعرف الفرق بين اللي يشتغل بضمير واللي بس يبي ياخذ راتبه آخر الشهر .. وهذا يخليك تفكر دايم تخلص بشغلك مهما كان .. لأنه بالنهاية هذا جانب منك وبيحكمون الناس منه عليك وبيذكرونك بالخير أو بغيره حسب ما تقدم ..

كنت ناوي فعلاً أكلم السوبر فايزر بعد ما نوصل وأقول له عن مارسيل وإن شغله كويس ويستاهل شكر أو أي شي لأنه مميز فعلاً .. بس للأسف حوسة الوصول والعفش والسرا نستني أكلمه .. ناوي أراسل القطرية -بجد- بهـ الشغلة .. أحاول كثير أسوي كذا لأن عندي قاعدة : إذا كنت بتضايق وأسوي مشكلة لما يقصر موظف معين بشكل كبير أو يقدم خدمة سيئة  ; فمن الواجب إني بحالة العكس -كان الموظف شغله رائع جداً ومميز- أشكر الموظف أو مديره , سويتها أكثر من مرة وفعلاً شفت النتيجة قدامي ..

نزلنا بالمطار وكان زحمة بشكل كبير جداً .. لكن التنظيم حلو ومخلي السرا يمشي .. على عكس مطاراتنا الله يخلف حوسة وزحمة .. وبعد انتظارنا حول ساعة الا ربع جينا عند الموظف .. أخذ أوراقنا وجلس يدخل المعومات بالجهاز .. سألنا هل يندرس ووين .. ثم ختم على جواز زوجتي وعطاني الجوازات وقال : جوازها خالص بس أنت لا .. رح لكاونتر واحد !!

رحت كاونتر واحد ولقيت وحدة وقلت إن اللي هناك قال لي أروح كاونتر واحد! قالت أنت أول مرة تجي أمريكا؟ قلت ايه ، أخذت أوراقي وقالت رح هناك انتظر لين ننادي على اسمك.

طبعاً كإجراء روتيني أي واحد يدخل أمريكا لأول مرة وعمره بين ١٥ و ٣٠ تصير له اجراءات معينة .. انتظرت حول ساعة ونص أو أكثر وبعدين نادوا اسمي .. رحت وسألني أسئلة عادية “وين بتدرس؟ …” وبعدين ختم على جوازي وقال مع السلامة!

رحت أخذت عفشي وكنت شايل هم التفتيش لكن ما فتشوني ولا شي! أخذنا الشناط وطلعنا!

لقينا مندوب الملحقية أول ما طلعنا وسلم وعطانا أوراق وقال انتظروا بتجي السيارة بعد شوي .. نادانا بعد فترة وقال السيارة بتجي بعد شوي .. قلنا بنروح ننتظره وأخذنا عفشنا .. رحنا عند الباب وخلينا العفش جوا وطلعنا عند الباب شوي .. كان الثلج توه بادي ينزل!!

من كنت صغير كنت أتمنى اليوم اللي يجي وأشوف الثلج وهو ينزل ، ممكن أغلب سكان الصحراء القاحلة D: يتمنون هـ الأمنية .. تحققت أخيراً وتوني طالع من المطار .. وااااو كان موقف ما يوصف فعلاً ..

طبعاً العالم كانت تلعن لأنهم ما يحبون الثلج .. يعطل السير ولو زاد صارت اجازة ووو ، حنا كنّا مستمتعين تماماً .. جت سيارة الملحقية ركبنا عفشنا وودانا للفندق اللي متعاملين معه .. كان فندق حلو ونظيف وسعره معقول .. قبل نسكن قالوا لازم تعبون أوراقكم عشان نفتح لكم ملفات .. رحنا معهم وعبينا الأوراق وأخذوا النسخ اللي يبونها وقالوا بكرا الصبح تعالوا ونعطيكم أوراقكم .. قلنا طيب والملحقية متى بنروح لها؟ قالوا ما يحتاج حنا نودي أوراقكم ونسويها لكم اليوم وبكرا تكون عندكم! صراحة حركة جميلة جداً ومريحة .. الله يعطيهم ألف عافية ..

فتكوا بعافية ،،

=============

==== في الأفق! ====

=============

كان المشهد سحرياً عجيباً لم أستطع حتى أن أعبر عنه!

حلمت منذ طفولتي باليوم الذي سيتذوق به وجهي الثلج! تلك النطف اللطيفة السحرية التي أكتفيت بمشاهدتها من خلف زجاج التلفاز وقطع ورق الصور .. وأحلامي!

بالرغم من التعب الذي أنهكني جداً بعد الثلاثة عشر ساعة طيران .. ورغم كل تلك الحقائب التي كنت أدفعها في ردهات المطار .. وكل تلك الأفكار والتوقعات للحياة الجديدة التي على وشك أن تبدأ .. استطعت أن انسلّ من كل هذا وأخرج مع بوابة المطار رغم الهواء البارد والدخان الذي يُخلق مع أنفاسي ..

لم أعد أسمع أي شيء .. سوى دقات قلبي .. أصوات نطف الثلج وهي تجوب الفضاء إلى وجهي .. و Michael Buble وهو يصدح You not lost …

حتى السحر كان وصفاً غير كافٍ لما شعرت به .. لا أكذب عليكم ; قرأت في مواقع الطقس أنّ ثمّة ثلج سيطل ذلك اليوم .. ولكن لم يكن لديّ أي فكرة أن الثلج هو الوحيد الذي يحمل لافتة عليها “مرحباً بك!” ويتراقص فرحاً في الفضاء ..

كان الرجل الطيب الذي أخذني حيث الحافلة يتذمر .. وينقل الصورة أن أهالي كل تلك الديار لا يتمنون أن الثلج يطيل هطولة حتى الصباح .. وكنت أدافع أمواج البرد القارسة التي أحالت أنفي قطعة جليد وأضحك في داخلي أنهم يتذمرون مما أعتبرته معجزة! إنه حال البشر ; ألم يقل الأول “مصائب قومِ عند قومِ فوائدُ”!

كان الترحيب كفيلاً بأن أنسى كل شيء وأغرق في تلك الأجواء الرائعة حتى نبهتني الحافلة بتوقفها أنّ هذه بوابة حياتك .. هيّا!

Share

متعلقات

]]> http://m-ro7.com/BLOG/?feed=rss2&p=287 0 بين خطوط يد ملوحة (١) http://m-ro7.com/BLOG/?p=284 http://m-ro7.com/BLOG/?p=284#comments Thu, 20 Jan 2011 19:16:39 +0000 mohand http://m-ro7.com/BLOG/?p=284 “تلك الأشياء الصغيرة التي نظهر أنها لا تؤثر فينا .. وهي تقتلنا وتحيينا ..

المشاعر إن شئتم!”

.. ،

فكرت أبدأ بكتابة المذكرات من أول يوم قدمت على البعثة .. وأخرتها لأكثر من مناسبة واستقريت إني أبدا فيها وأنا بالمطار .. وأنزلها عقب ..

المطار من أماكني المفضلة .. أي مطار استمتع بالتمشي فيه لسبب واحد .. تشوف كمية كبير من الناس المختلفين جداً ..

هالمرة ما كنت أفكر بالناس أبداً -حتى الأمريكان الاثنين اللي جلسوا جمبنا ومعهم شنطة قيتار وأنا يحكني لساني أقولهم يعزفون لنا شي < من الحين بدينا D: هههههههههه – كنت أفكر بالمفصل الأكبر لحياتي اللي أنا فيه الحين ..

أوووه ، مهما شرحت لكم عن كمية المشاعر اللي ما عرفتها الا من فترة بسيطة -بعد بداية التجهيزات الأخيرة للسفر- والحكم اللي تعلمتها والمواقف المؤثرة ووو ، ماراح يعرفها الا اللي مر بنفس التجربة ..

ما راح أكتب عن الروتينيات الورقية والإجرائية للابتعاث .. هذي تلقونها بأماكن كثيرة .. والشيخ قوقل ما يقصر ..

بحرص إني أتكلم عن الجانب الإجتماعي والثقافي لهـ المرحلة والتجربة المهمة والمليئة بالمفاجآت .. يوميات نفسية وإنسانية أكثر من كونها شي ثاني ..

لا تفكر “الجميع” بيحزن على سفرك بالصورة اللي أنت متخيلها!

فيه ناس توقعت منهم شي ولقيت العكس تماماً على الطرفين .. اللي ما توقعت يتأثرون بشكل كبير وتفجأت بمواقف هزتني من جد .. واللي توقعت منهم شي .. ولقيت ولاشي!

دائماً -بالنسبة لما يخص ردات فعل الناس- خل عندك فراغ بالتصور ، ترى بعض ردات الفعل ممكن تكوّن عندك مشاعر سلبية سيئة جداً تجاه ناس كثيرين .. حاول دائماً تتوقع إن كل إنسان يعزك ويقدرك على مستوى خاص فيه ، أهم شي تعرف أنت كيف تقرا ردات الفعل وتتعامل معها صح .

رتب .. رتب .. ورتب .. ورتب بعد!

بمرحلة انتقالية -مثل الزواج والابتعاث وو- لازم تكون مرتب أعمالك والا كل شي بيصير ببالك منحاس بشكل غير طبيعي!

المسألة ما تحتاج سكرتير ومساعد ومدير مكتب .. بكل بساطة خل بمحفظتك ورقة تكتب فيها كل الأعمال اللي تفكر فيها ، وبجهازك حاول ترتب الأعمال هذي بالنسبة للوقت وتقسيمات الأعمال عشان تنتج، وتعرف أنت وين بالضبط وكم باقي لك وكم تحتاج وقت وجهد ومال عشان تخلص.

فيه خدمات كثيرة جداً تساعد على هالشي منها Google Calender فيه إضافة Tasks رتبت كثير من أشغالي بشكل حلو جداً .

إن شاء الله كل فترة بكتب عن الشي اللي يجي ببالي .. مافيه ترتيب أو تصنيف معين بمشي عليه بحاول أكتب اللي أشوفه مهم بوجهة نظري.

أتمنى أفيدكم وتوصل الرسائل بالشكل الصحيح.

وبالله بدون أسئلة شخصية، أي سؤال عام ممكن أجاوب عليه لكن الأسئلة اللي “وش لابسين؟ ، ليه تاكلون خس؟ ، وليه مشغلين MTV؟ …” أعفونا منها!

وشكراً ،،

=============

==== في الأفق! ====

=============

نلوّح بأيدينا في الهواء ..
بحركةٍ لا إرادية للتعبير عن الوداع والفراق ..
تشقُ خطوط أيدينا الفضاء محدثة جروحاً يبكي عليها الزمن ..
وتندبها الأيام .. وتصيح بها الدنيا ..

ومع إضطراب خلايا الدم الحمراء ذهاباً ومجياً في كفوفنا ..
تضطرب مشاعرنا .. وتتأجج نيرانٌ لا نعرف لها كنهاً ..
تتبعثر الكلمات .. وتتوقف الحروف على شفاهنا ..
فقد أمسكتها عبرةٌ للتو أعلنت رزحها على حلوقنا ..
نزدرد ريقاً -بين الحين والآخر- ليفك شيئاً من الخناق ..
ويبقى الخناقُ “خناقاً” !

كأننا نقول للفرح : لا !
كأننا نقف في وجه كل ماهو ليس حزناً ..
كأننا نبعد سحابة رمادية كئيبة .. لنصنع أخرى ..

خُيّل إلي وأنا أمعن النظر إلى باطن كفّي أن الخطوط التي تنتشر فيها ماهي إلا مواقف وداع ..
الطويل منها .. والعريض .. القصير .. المائل .. العميق .. القاتم !
أشياءٌ فارقتها طبعت لها أثراً قبل أن تذهب ..
وشماً .. وسماً .. حرقاً .. سموها ما شئتم ..

تأمل إحدى الخطوط .. ستقرأ موقف وداعٍ أليم ..
أطبق العالم على شفتيك فلم تنبس ببنت شفة ..
وسُرقت منك شتى أنواع الكلمات حتى صرت لا تجيد أي لغة ..
غير تلك التي يجيدها الجميع في هذا الموقف ..
وربما لم تلوّح .. اكتفيت بأن ترمق من بعيد ..
ترهفَ سمعاً .. تجولَ بخاطر ..

قرّب يدك لأذنك .. أرهف سمعك .. هل تسمعُ شيئاً !؟
إنه أنين تلك الخطوط .. ما زالت تبكي !
مازالت حرّى .. يحرقها الكبت .. ويكويها الكتمان ..
لم تطلق بدمعة .. ولم تحرر بكلمة .. ولا حتى تنفست بزفرة ..
بل بقيت حبيسة مكانها لا تبارحه ..
تبكي وحيدة متألمة .. ويزداد ألمها لمرأى تتابع الخطوط بأصنافها ..

Share

متعلقات

]]> http://m-ro7.com/BLOG/?feed=rss2&p=284 2 [ شرف القراصنة! ] http://m-ro7.com/BLOG/?p=155 http://m-ro7.com/BLOG/?p=155#comments Tue, 20 Jul 2010 10:16:50 +0000 mohand http://m-ro7.com/BLOG/?p=155

Jack Sparrow - pirates of the caribbean

تخيلت نفسي قرصاناً مرة .. كل تلك الأساطير التي نسمعها أو نتلقاها عن القراصنة تمثل جانبين متضادين في البشر ..

الشر والوفاء!

حفظ العالم أن القراصنة هم الصنف الشرير على مستوى تصانيف المجرمين .. فهم أناس عاشوا على سلب السفن وسرقة الناس ..

ولكن هذا ليس الجانب المهم في القصة .. المهم أنهم يهتمون لبعضهم كثيراً .. و”أخوة البحر” تسطر جانباً رائعاً لمشاهد حفظتها وما زالت تؤثر فيّ جانباً خفياً ..

أن تعيش في بحرٍ قد يفجأك كل لحظة بأمواجه المتلاطمة وقد تغرق السفينة التي تقلك بطرفة عين .. وما تزال تجوب السفينة ركضاً لتشد شراعاً أو ترخي حبلاً .. وتتمكن بعد العاصفة الهوجاء أن تنام قرير العين وتصبح لتبحث فقط عن شفينة لتنهبها .. إنه لأمرٌ محيرٌ فعلاً !

برأيي إن تسليط الضوء على جانب ساطع في حياة مظلمة قد يكون أشد سطوعاً منه على الحياة الساطعة .. ليس إقلالاً بحق الشرفاء .. ولكن ليتجلى المعنى السامي في وسط الظلام ..

والأهم من ذلك أن نستطيع التفريق بين الفاسد والصالح في داخل كل إنسان .. وأنّه لا شرّ محض إلا في الشيطان فقط!

وبالرغم من أن ظاهر الفكرة تبدو جنونية بعض الشيء .. إلا أنّ هذا التفكير يقودني إلى إكتشاف أشياء كثيرة في أناس لم أعتقد أنّي سأرى فيهم جوانب مشرقة إلى حد كبير ..

فقط ، وسّع مداركك!

Share

متعلقات

  • لا متعلقات لهذه التدوينة!
]]> http://m-ro7.com/BLOG/?feed=rss2&p=155 4 [ هل لنا أن نعود؟ ] http://m-ro7.com/BLOG/?p=183 http://m-ro7.com/BLOG/?p=183#comments Sat, 17 Jul 2010 11:55:40 +0000 mohand http://m-ro7.com/BLOG/?p=183
Ferris Wheel
Image by Jason L. Parks via Flickr

.

.

حسناً ؛ لن أبدأ بأي مقدمة لأعبر عن أيِّ شعور بالأسف نحوكم -وهو ما يخالجني مذ تناسيت هذا المكان- لأنكم ربما لن تغفروا لي إن قلت شيئاً ..

فقط سأجمل الحديث هنا عن هذه المدونة “ملاذ روح” .. المكان الذي أحبه كثيراً .. والذي لا يخفى عليكم أنّي مقصّرٌ بحقه كبيراً !

كنت أزوّر في نفسي حديثاً كثيراً .. ولكن الكلام أحياناً يعبث بجمال الصمت .. المعاني المجردة المفهومة بدون شرح هي من أجمل المعاني على الإطلاق !

سأعود لملاذي .. سأكتب من جديد .. لن يعيقني ذلك الهاجس الذي يصرخ فيّ كلما حاولت العودة : “تستهبل!”

لدي الكثير لأتحدث عنه .. فقط أمهلوني وقتاً يسيراً لأمرن قلمي ويديّ على الكتابة .. وسأعود كالسابق وأفضل إن شاء الله ..

شكراً لجميع الذين أبقوا على الأمل في هذا المكان .. موقع الإحصائيات يقول لي الكثير والكثير دائماً …



Share

متعلقات

]]> http://m-ro7.com/BLOG/?feed=rss2&p=183 2 [ Windows Phone 7 وخبر سيء! ] http://m-ro7.com/BLOG/?p=175 http://m-ro7.com/BLOG/?p=175#comments Sat, 06 Mar 2010 05:24:31 +0000 mohand http://m-ro7.com/BLOG/?p=175


قبل حوالي شهرين رجعت لعالم الأجهزة الكفية بعد إنقطاع طويل ..

بعد تفكير طويل وحيرة بين أكثر من جهاز من بينها iPhone و Blackberry استقريت أخيراً على الجهاز الرائع HD2 من الشركة الرائدة HTC ..

الجهاز خطير ومن أفضل الأجهزة اللي استخدمتها لليوم .. وأنصح كل المهتمين بالتقنية يخلون الجهاز من ضمن الخيارات القادمة إذا يفكرون يغيرون ..


وسمع المهتمين منكم خبر عن قرب إطلاق Windows لنظام التشغيل الجديد Windows Phone 7 واللي طلعت له عدة صور تبين إن النظام قوي وممكن تخلينا Windows نقتنع بأنّها قد اللعبة ..

لكن خيبة الأمل وأنا أبحث اليوم إن وندوز صرّحت إنهم -للحين- ماراح يعتمدون رسمياً ترقية HD2 للنسخة الجديدة إذا نزلت ..

وكان نصّ التصريح :

“. We currently do not have plans to update the HTC HD2 to Windows Phone 7 Series.”

كلي أملي يعيدون النظر بهـ النقطة .. الجهاز قوي جداً ويتحمل نظام جديد ..


Share

متعلقات

]]> http://m-ro7.com/BLOG/?feed=rss2&p=175 6 [ ليالي أوروبية (2) ] http://m-ro7.com/BLOG/?p=168 http://m-ro7.com/BLOG/?p=168#comments Tue, 16 Feb 2010 22:39:26 +0000 mohand http://m-ro7.com/BLOG/?p=168
يالله حيّهم ..
هذا الجزء الثاني من تقرير سفرة “شهر العسل” إلى النمسا وألمانيا صيف ٢٠٠٩ ..
.. ،
وصلنا سالزبورغ
سالزبورغ هي أشهر مدينة بغرب النمسا .. وهي من المدن المعروفة بالنمسا عالمياً .. وهالشهرة ترجع إلى إنه انولد فيها واحد من أشهر الموسيقاريين على مستوى العالم فولفغانغ أماديوس موتسارت أو “موزارت” ..
مدينة جميلة جداً .. هادئة نسبياً .. حبيناها كثير ..
وصلنا لها ع العصر تقريباً .. وكنّا ساكنين بـ Crown Plaza فندق جيّد .. وأتوقع لو بحثت كان لقيت أفضل ..
كان الفندق قريب جداً من الترين ستيشن .. بالمشي ياخذ خمس دقايق تقريباً ..
طبعاً ما عرفنا إلا بعد ما ركبت التاكسي وقلت له كراون بلازا .. ولف بنا لفة صغيرة وأخد مدري كم يورو .. D:
من مميزات سالزبورغ إن فيها أكثر من مكان ممكن تروح له .. وبرضو قريب منها قرى كثرة ممكن توصلها بالقطار أو بالباص ..
ما ركبت فيها أندرقراوند ويبدو لي مافيها ..
أول شي قررنا نزوره : بيت موزارت .
سمعنا عنه كثير .. وقالوا لنا عنه وإنه مكان جداً حلو ..
بحكم جلوسي بسالزبورغ بيكون أربع أيام تقريباً فـ أخذت فيها “سالزبورغ لاند كارد”
وهي بطاقة تخليك تركب الباصات مجاناً وتدخل بعض المعالم المشهورة مجاناً وتخفض لك ببعض الأماكن ..
كانت تكلفتها الشخص لمدة أربع أو خمس أيام ٣٠ يورو تقريباً .. والسعر معقول إذا شفنا الأشياء اللي بتطيحها عنك .. فعلاً سعر منطقي ..
وتلقاها غالباً بالفنادق أو الأماكن العامة ..
ركبنا فيها كل الباصات اللي تنقلنا فيها داخل سالزبورغ ودخلنا فيها بيت موزارت مجاناً .. مع إن تذكرة الدخول للشخص بحوالي عشرة يورو إذا مني واهم .. وموزارت له بيتين مو واحد ..
طلعنا لمحطة الباصات بحكم إنها عند الترين ستيشن وسألنا اللي هناك عن الباص اللي يروح لموزارت .. ودلونا عليه ..
طبعاً في أغلب الأماكن اللي فيها سياح كثير تلقى ناس يرشدونك .. وبكل مكان تلقى مكتب معلومات “Information” ..
نزلنا من الباص عند مثل البوابة .. كانت مدخل لمكان فيه محلات على جوانب الطرق .. وبيت موزارت بالنص ..
ببداية المكان هذا لقينا مكتب انفورميشن وحاطين عند الباب نشرات مجانية .. بالنشرة فيه خريطة توضيحية للمكان ووين المعالم المهمة فيه ..
كان سوق تقريباً .. أغلب المحلات ملابس .. وفيه سوق خضار بسيط بساحة صغيرة ..
لقينا بيت موزارت .. دخلنا وكلمتهم على البطاقة اللي معاي ودخلنا مجاناً ..
كان هذا البيت الأول اللي انولد فيه موزارت وعاش طفولته وأول شبابه ..
البيت كان بسيط .. وبكل غرفة فيه صور ومعلومات ..
وما أمداني أصور الصورة الا يجيني واحد ويقول : بعض الغرف هنا ممنوع فيها التصوير .. وهذي الغرفة منها ..
رجاءً لا تصور ..
ما قدرت أصور الباقي ،، كانوا حاطين بيانو بالنص وع الجدران رسومات مختلفة لموزارت ..
يقولون البيانو هذي كان موزارت يعزف عليها وهو صغير ..
حول بيت موزارت الأول كان فيه كوفيات كثيييير ..
وبكل المدن اللي زرتها الكوفيات كثيرة جداً .. وصراحة المكان هناك يخليك تستمع فعلاً بالكوفي شوب وإنك تقعد وتاخذ لك كوب كوفي مع الجو الرايق والمطر أحياناً شي ما يمكن يصير لك دايم بالسعودية مثلاً ..
طلعنا بعدها وقطعنا نهر السالزاك عشان نروح بيت موزارت الثاني ..
وقالوا لنا انو التصوير بكل المكان ممنوع ..
كان البيت الثاني عبارة شرح لمسيرة موزارت الفنية وكيف تعلم الموسيقى والآلات اللي عزف عليها ..
وجايبين صور للآلات اللي عزف عليها فعلاً وهو صغير ..
تمشينا بالمنطقة اللي حول البيت .. كانت منطقة حلوة ومافيها زحمة ..
قررنا نرجع الفندق ..
رجعت لموقف الباص اللي نزلنا .. وتذكرت رقم الباص ..
وكنت متخيل إني عرفت فكرة الباصات .. يعني باص ثلاثة جينا معه وكان متجه شمال ..
أكيد لو جا باص ثلاثة متجه جنوب بيرجعنا للفندق !
وأنا أفكر جا باص ثلاثة متجه جنوب .. حلووو
ركبنا وزوجتي تسألني : أنت متأكد من رقم الباص ؟
رديت بكل ثقة : ايوه ..
مشى الباص .. كنت عارف الطريق تقريباً .. يعني عارف الشارع اللي المفروض نمشي معاه ..
ما دخل بالشارع نفسه .. استغربت وقلت بنفسي : أكيد بيروح مع طريق ثاني .. لأنه بالنهاية الفندق عند محطة الباصات -موقف الباصات الرئيسي- فـ لازم يروح من هناك ..
مشينا مع شوارع غريبة .. وفجأة صار الباص يمشي بالحواري .. والعالم اللي تركب يطالعونا مستغربين .. وش جاب ذا السيّاح هنا ؟
بعد حول ساعة عرفت إني مضيع .. رحت للي تسوق الباص وقلت لها : الحين الباص هذا بيمر محطة الباصات ؟
ردت عليّ : تشو غربات بلا بلا ..
يوووه .. وش ذا الوهقة .. ما تعرف انقليزي ..
والتفت والا كل اللي حولها عجز وشيبان مثلها وكلهم متنحين ..
نزلنا عند أقرب موقف ..
بديت أقرا الورقة اللي فيها مواعيد الباصات .. وأسأل كل باص جاي ..
وكلهم ما يعرفون انقليزي ..
بعد ما وقفنا ربع ساعة بالشارع صار الوضع يخوف شوي ..
ركبنا وقربنا الباص من جهة وسط المدينة شوي ..
نزلنا من الباص لنفس السبب .. نص ساعة وحنا ما ندري وينا فيه ..
انترنا لين جا باص وكنت قاري بالورقة بيروح للترين ستيشن .. سألته طلع رجال ويعرف انقليزي ..
قال حنا رايحين محطة الباصات .. وااااو ما تدرون وش قد الفرحة اللي كنّا فيها ..
وبعد حول ساعتين من الدوران والتضييع وصلنا الفندق ..
إطلالة الفندق بالليل ..
هذي نهاية الجزء الثاني .. الجزء الثالث قريب إن شاء الله ،،

Share

متعلقات

]]> http://m-ro7.com/BLOG/?feed=rss2&p=168 12 [ ليالي أوروبية (١) - تقرير شهر العسل صيف 09 ] http://m-ro7.com/BLOG/?p=162 http://m-ro7.com/BLOG/?p=162#comments Sat, 06 Feb 2010 21:56:50 +0000 mohand http://m-ro7.com/BLOG/?p=162 عودة بعد إنقطاع طوووويل .. وإن شاء الله نستمر هالمرة .. :)
الشكر للأخ العزيز “عبد العزيز الهميلي” على جهوده لتظهر المدونة بالشكل هذا .. تعبناك معنا يالغالي .. :)

.. ،

كان المفروض التقرير نازل قبل أكثر من ستة أشهر .. لكن الإهمال والتسويف خلتني أنساه .. وقررت إني أنزله الحين ..

كانت السفرة من تاريخ ٣ /٧ /٢٠٠٩ يوم الجمعة ..
طلعنا من الرياض على طيران الإمارات إلى دبي .. كان المفروض ترانزيت -الانتظار بين رحلتين متواصلتين- ١٢ ساعة تقريباً .. فـ قررت نقعد بدبي يومين ثم نطلع فيينا ..

مافيه شي كثير بدبي .. ذاك الوقت كان غبار فما كانت الطلعة تستاهل .. وكانت دبي بس راحة ..

طلعنا من دبي الساعة ٨ الصباح .. كان الجو مش كويس أبداً ..

صراحة كانت الرحلة ممتعة جداً ..
طيران الأمارات من أفضل شركات الطيران بالخليج والشرق الأوسط تقريباً .. وصراحة كانت خدمتهم حلوة ومقاعدهم جداً مريحة ..

الرحلة كانت خمس ساعات تقريباً .. وكان البرامج الترفيهية بالشاشات اللي قدام المقاعد تنسيك طول الرحلة ..
كان لنا شي خاص مخلي رحلتنا ممتعة ..
بنت صغيرة خبلللللة ..

كانت مقاعد الطيارة بنظام ٣-٤-٣ كنت أنا عند الدريشة وزوجتي بالنص وجنب زوجتي أم البنت هذي ..
بالبداية البنت ما كانت معاها .. بس بعد ما أقلعنا بنص ساعة ممكن جت عندها ..
وقعدت تستهبل علينا .. وجلست أنا ألعب معاها .. وضحكت عليها وعلى حركاتها ..
سولفت زوجتي مع أمها شوي وطلعت العائلة من التشيك وكانوا طالعين لفينا إجازة برضو ..

اللي يضحك إن البنت الخبلة راحت لأبوها اللي جالس مع إخوانها بالمقاعد اللي بالوسط وتجره تبيه يلعب معي .. استانست الظاهر D:

يوم قربنا وبدا الجو يضبط والسحاب شي مب طبيعي .. وكل شوي ندخل بسحابة ..

أعلنوا إن الطيارة بتهبط وبدينا نتجهز ..
وقفت الطيارة بس قررنا نقعد لين يقومون أغلب الناس .. مافيه داعي نقوم وسط الزحمة والعالم بس تبي تطلع من الطيارة ..
كان الجو برا حلو .. ومطار فينا على صغره إلا إنه لطيف ..

ونزلنا ووقفنا بسرا الجوازات اللي كان طويل نوعاً ما .. بس مشينا بسرعة ..
رحنا للمكان اللي بناخذ منه شناط .. وقعدت أدور عربية أشيل الشناط فيها .. لقيت صف عربيات وبكل ثقة سحبت وحدة .. وما طلعت !
ياولد .. عدل بدل .. ماش عيّت تطلع .. اكتشفت بعد عدة محاولات أنك لازم تدخل نصف يورو -خمسين سنت- في مكان صغير عند الممسك بتاع العربية عشان تقدر تسحبها ..
وكنت بالصدفة توني صارف الكاش اللي معي .. وطحت بمشكلة ثانية ما معاي الا يورو واحد .. ما معاي نص يورو .. وش ذا القلق ..
قلت بنفسي : مالي خلق أدور صرف والا أمسك سرا عند الصرافة مرة ثانية .. فـ دخلت اليرور .. ومجرد دخل اليورو طلع لي من نفس المكان نصف يورو .. يعني رجعوا لي الباقي على طول بدون أي قلق ..

أخذنا الشناط وطلعنا ..
وأنا طالع جاني واحد قال لي : السلام عليكم !
أنا : عليكم السلام .. فرحت لقيت أحد عربي ..
الرجال : تبغى تاكسي !؟
أنا : مشكور لكن الحين عندي شغلات أبي أخلصها .. شكراً
الرجال : طيب أنا عربي !
أنا : ايوه عارف .. لكن ما أبي أطلع الحين!

راح وهو يتحلطم وأنا مستغرب وش سالفته ذا الحين!!

كانت النية عندي آخذ شريحة جوال من المطار لأني ما أخذت جوالي تركته بالسعودية .. كنت ماخذ معاي جهاز وناوي أشتري شريحة ..
المشكلة كنت نازل يوم الأحد وكانت أغلب المحلات مسكرة .. ومالقيت شركة اتصالات بالمطار فاتحة ..
بعد مادرت وتعبت لقيت واحد نمساوي .. ناداني وسلم علي وقال : أنت مسافر صح ؟
قلت ايه!
قال : حنا شركت تكاسي .. وعندنا خدمة ممكن تعجبك !
أنا : وش الخدمة ؟
الرجال : أنت نازل أي فندق ؟
أنا : الميرديان .
الرجال : الخدمة اننا ندخل اسم الفندق بالجهاز وهو يطلع السعر .. وما راح ناخذ عليك زيادة أبداً .. يعني بدون عداد وحساب ولو كان فيه زحمة ممكن يزود ولا شي ..
أعجبتني الخدمة واكتشفت بعد السؤال إني وفرت على نفسي خمسة يورو تقريباً يعني ٢٥ ريال !!

وسبحان الله الفرق بين النمساوي والعربي بالأخلاق وطريقة عرض الخدمات .. شي غريب صدق!

طلعنا وكان السواق واحد عربي برضو .. إنسان مؤدب وساكت أغلب الوقت ..

طلعنا من المطار وكان المشوار بعيد شوي .. ياخذ ثلث ساعة تقريباً ..
يوم بعدنا عن المطار شوي وتبدا تمطر .. يالله!

جو خياااااااالي والشجر يمين ويسار والأنهار بكل مكان .. سبحان اللي عطاهم جنتهم بدنياهم ..

وصلنا بعدها للفندق .. وكان اختيار موفق جداً جداً .. فندق راقي وتعامل محترم وفخم ونظيف ..

دخلنا الغرفة وكانت مطلة ع الشارع .. منظر الشارع جداً حلو بكل وقت .. الشجر معطية جزء كبير منه والمباني الكلاسيكية الفخمة تملى المكان ..

ارتحنا شوي بعدين طلعنا .. تمشينا بالمكان اللي حول الفندق وكان مكان لطيف جداً ..
فيه أسواق بس مقفلة عشان يوم الأحد .. وفيه مبنى كبير عرفنا بعدين انه مثل الأوبرا اللي فيها مسريحات موسيقية أو حاجة زي كذا ..

صار موقف مضحك جداً قد كتبته قبل :

المشاركة الأصلية كتبت بواسطة مهند مشاهدة المشاركة

على طاري العيب .. كنت قبل أكثر من أسبوعين بـ فينا .. أول محطة من محطات الـ “هني مون” ..
المهم إن الجو كان مطر .. وأنا طالع من الفندق سألتهم عندهم مظلة وقالوا : للأسف لا
فـ طلعت أدور محل أشتري منه مظلة .. الجو ما يتفوّت مطر الساعة ثنتين الظهر !
فـ لقيت محطة المتور “الاندر قراوند” -وهي تكون تحت الأرض .. يعني تنزل لها بدرج مثلاً- كان فيها مجموعة محلات ..
المهم إني لقيت محل وأخذت منه مظلة .. وطبعاً عند المحل هذا ما فيه مطر لأنه تحت الأرض! <- سبحان الله ! تصدقون عاد إذا صرت تحت الأرض وهي تمطر ما يجيك مطر !!

فـ بعد ما طلعت من المحل فتحت المظلة لسببين :
الأول إنّي طاقها بـ 12 يورو يعني بحول 60 ريال والصراحة أول مرة بحياتي أشتري مظلة ..
الثاني بشوف وش كبر هـ المظلة وهل هي مناسبة فعلاً أو لا بما إني قريب من المحل ..
فتحت المظلة وجلست أشوف ..

وما دريت إلا ذيك العجوز النمساوية قااافلة معها من جد .. المشكلة للحين ما أدري وش سويت لها بالضبط ..
وقفت كذا بين المحلات وقعدت تصرخ وتقول : No rain here !!
يعني : ما فيه مطر هنا !!

أنا ما أدري وش أرد عليها .. أول شي توني ما كملت يوم بـ فينا .. ومستانس على المطر والجو ..
والعالم كل أبوهم يطالعونا كأننا مسوين جريمة ..
مشت وهي معصبة .. وتلعّن .. والعالم كلهم يضحكون عليها ..
سكرت أنا مظلتي بسرعة وطيران ع الدرج ..
وأول ما رقيت التفت أتأكد إنها تمطر صدق .. منب فاضي تجي عجوز ثانية وتنشب لي بعد ..

لقينا “Subway” بتاع الساندوتش وأخذنا منه ساندوتش وكان جداً لذيذ ..
وحنا راجعين لقينا سوبرماركت وأخذنا منها شغلات خفيفة ..

رجعنا الفندق ونمنا بدري لأن ورانا مشوار للشانبرون بكرا ..

.. ،

قمنا الصباح ونزلنا أفطرنا وبعدها بدلنا وطلعنا لقصر الشانبرون ..
قصر الشانبرون من أشهر معالم فينا وفيه حديقة خاصة فيه وبالحديقة حديقة حيوان حلوة ..

رحنا بالميترو .. قبل أروح سألت واحد من موظفي الفندق كان واقف عند الباب كيف أوصل الشانبرون وشرح لي كيف أوصله عن طريق الميترو وكان شرحه سهل وواضح ..

وصلنا الشانبرون وكان قصر كبييير في ساحة أمامية كبيرة وعنده سياح كثييييير ..

يوم قربنا من القصر التفت على زوجتي وقلت لها : والله أنا إنسان ما أحب الآثار والتراث والخرابيط هذي ..
قالت : حتى أنا !

فقررنا ما ندخل الشانبرون .. وشفنا شي أحلى منه بكثيييير ..

ركبنا مع ذا الشايب .. كانت العربة ممتعة جداً .. قعد يمشينا على حديقة الشانبرون ..وكلها شجر وورد ومناظر جميلة جداً ..

بعد لفة حلوة ع الحديقة نزلنا الشايب ورحنا مشي لحديقة الحيوانات ..

حديقة الحيوانات مشهورة برضو .. وأكثر شي مشهرها حيوان “الباندا” النادر .. عندهم واحد ..
صراحة الحديقة لحالها يبي لها صور وتقرير .. تستاهل الزيارة ..

رجعنا الفندق بالميترو بنفس الطريقة .. الميترو سهل بس يحتاج تفهم فكرته ..

ريحنا شوي .. وبعدها قلنا بنطلع نتقهوى ونتمشى ..
لقينا محل لطيف جداً وحنا نتمشى حول الفندق وتقهوينا فيه ..
بعدها طلعنا نمشي برضو ولقينا مبنى ضخم جداً وعريق ..

ويبدو إنها كنيسة كبيرة .. المبنى ضخم جداً لدرجة رحت بعيد وما قدت أصوره كله لأن عنده حديقة كلها شجر ..

رجعنا ونمنا ..
من بكرا قمنا ونزلنا أفطرنا بمطعم الفندق ورقينا بدلنا ..

ثم طلعنا بتاكسي لمحطة القطارات وركبنا قطار متجه لمدينة “سالزبورغ” المحطة الثانية ..

دخلت محطة القطارات وأنا ما أدري وش بسوي بالضبط .. لقيت آلات تعطيك تذكرة القطار للمكان اللي تبيه لكن مشكلتي ما قريت عنها كويس من قبل ولا ودي أحوس نفسي ..

كنا ماشين ومعنا شنطنا وحوسة شوي .. شافني واحد واضح إنه من الموظفين تبع شركة القطار ..
قال لي : ممكن أساعدك بشي ؟
أنا : ايوه أنا أبغى أطلع سالزبورغ وأبغى تذكرة .. ممكن تدلني على شباك بيع التذاكر ؟
الموظف : ما يحتاج .. هذي آلة بيع تذاكر ..

رحنا عند الآلة وجلس يشرح لي الطريقة .. كانت الآلة ذكية وسهلة جداً .. وكان شرحه واضح جداً ..
كنت عارف موعد القطار لأني طالب من الفندق قبل أطلع أوقات رحلة القطار من فينا إلى سالزبورغ وهذا الشي يخفف من وقت الانتظار الممل في محطة القطار ..
أخذت التذاكر وشكرته .. قال لي : أسرع ترا القطار بيمشي ..
رحنا وكانوا الناس ركبوا أغلبهم .. قعدت أمشي وكل ما قابلني واحد من اللي يشتغلون بالقطار وريته التذكرة ويقول : قدام ..
لين وصلت آخر عربة ركاب .. ركبنا وحطيت العفش بالمكان المخصص .. كانت العربة مب مليانة وكراسيهم كبيرة ومريحة واستاااانسنا ..

بعد ساعة تقريباً كان بتاع التذاكر يشيّك على اللي معاهم تذاكر واللي ما معاهم .. يوم جا عندنا وبكل ثقة عطيته التذاكر وأنا مستانس .. وقف شوي وقعد يشوف التذكرة شكله يتأكد ..
ثم قال : ترا هذي الدرجة الأولى !
أنا : امممم طيب !
الموظف : تذكرتك درجة سياحي !
أنا : هاه!
الموظف : إذا العربة عاجبتك ممكن تدفع الفرق وتقعد !
أنا : لا هونت .. شكراً وآسف ما كنت أعرف !
الموظف : عادي .. ترا العربة اللي ورا هذي سياحي إلى آخر شي ..

قعدت أجرّ أذيال الخيبة مع الشناط وأنا أمشي بين العربات أدور مكان ..
وبعد أربع عربات الحمد لله لقينا مكان كويس ..

ضروري الواحد يتأكد من نوع تذكرته بأي مكان قبل يتفشل ..

بالطريق بين فينا وسالزبورغ صورت بالكاميرا أكثر من ١٠٠ صورة .. مناظر خلابة وجميلة تخلي الواحد غصب ما ينزل الكاميرا ..

هذا الجزء الأول من التقرير ..
الأجزاء الباقية بتنزل هنا بالمدونة إن شاء الله ،،

Share

متعلقات

]]> http://m-ro7.com/BLOG/?feed=rss2&p=162 10 [ Armani ] http://m-ro7.com/BLOG/?p=148 http://m-ro7.com/BLOG/?p=148#comments Mon, 16 Mar 2009 11:38:33 +0000 mohand http://m-ro7.com/BLOG/?p=148




Armani من الشركات الكبيرة جداً في مجال الجمال والأناقة .. سواءً كان بالملابس أو الشنط والمحافظ أو غيرها من مستلزمات الجمال والأناقة ..

تصنّف من الشركات الراقية .. ولذلك أسعارها مرتفعة نوعاً ما ..

طبعاً فيه اسمين لأرماني .. Giorgio Armani و Emporio Armani

عشان أكون صريح .. ما أعرف بالضبط وش تميز جيورجيو عن امبوريو .. لكن من خلال ملاحظتي أحس إن جورجيو أكثر بالعطور والمحافظ والشغلات هذي .. وامبوريو أكثر بالملابس الداخلية والملابس العادية .. الفرق هذا مب دقيق لكن ملاحظ ..


أبدا بأول عطر أستخدمته من أرماني .. وبنظري أفضل عطر عندهم .. وأتذكر صديقي الغالي محمد المغلوث من الناس اللي يجون ببالي إذا شميت العطر .. لأني أتذكر إنّه يقدّره ..

Armani Black Code

عطر من أجمل وأفضل العطور الرجاليّة اللي شميتها ..

رسمي وفريش بنفس الوقت .. يصلح لأكثر من إستخدام .. عطر يومي .. للعمل والطلعات .. برضو يصلح عطر سهرات ومناسبات ..

من العطور اللي تصلح هدية .. يناسب أغلب أذواق الرجال ..

وأذكر مندوب أرماني كان يقول : إن فيه بنات يجون يشترون العطر هذا لهم .. وما أستغرب لأن العطر ممكن يستخدم نسائي ..

العطر جداً مميز واللي ما جربه بيحبه ..


نفس الخط .. طلعوا أكثر من عطر ..

من المميز منها العطر النسائي ..

من العطور النسائية الجميلة برضو ..

عطر يناسب السهرات أكثر .. وأذكر كان فيه عرض أول ما نزل ع العبوة الصغيرة .. يجي معاها شنطة صغيرة يدوية تصلح للسهرات ..

العطر رسمي شوي وجذّاب .. ومن العطور الحلوة .. وبرضو يصلح هدية ..


أقدم عطور أرماني .. “جيو” من العطور الرجالية الكلاسيك ..

أنسب للإستخدام اليومي .. ممكن يناسب الرجال الكبار 30-40 أكثر من الشباب .. عطر رسمي جداً وحلو ..

ممكن يكون هدية ..


هذا الشكل طلّعت منّه أرماني أكثر من عطر .. تختلف بأكثر من لون .. الأسود والأبيض والأزرق ..

فيه بعضها مميز وحلو مثل هذا الأسود .. وفيه بعضها عادي ..

من النسائي المميز منها ..

نسائي أو بنّوتي أكثر .. حلو للإستخدام اليومي .. وللطلعات الخفيفة ..


آخر عطر رجالي طلعوه جورجيو أرماني ..

فريش ورسمي .. يبدو إن أرماني ماسكة خط حلو ومميز .. وهذا اللي يخلي اسمهم قوي ..

جداً حلو العطر .. وتقريباً ممكن أقول فيه نفس الكلام اللي قلته بـ البلاك كود .. مع إنّ روائحهم تختلف تماماً ..

اللي يحتار بالهدية بينه وبين البلاك كود ياخذ الأتتيود .. لأنه جديد ..


آخر عطر نسائي .. Diamonds

عطر نسائي .. سبايس شوي .. يصلح للسهرات والمناسبات ..

عطر مميز فعلاً .. كل ما يبرد تتغير وتحلوّ ريحته .. سبايس شوي ..

كان الوجه الدعائي للعطر المغنية المشهورة “بيونسي”


طلعوا منّه آخر عطر رجالي .. وهو آخر عطر شفته ونزل بالسعودية للحين ..

Diamond For Men

طبعاً العطر مختلف تماماً عن النسائي ..

رسمي جداً .. يصلح للمناسبات .. قوي ..

الصراحة ما جربت دايموند لا النسائي ولا الرجالي ..

لكن شميت ريحتها .. وحاطها بـ الوش لست ..


وأنا أدوّر صور العطور لقيت ذا العطر ..

ماقد شفته بالسوق عندنا أبداً .. العطر نسائي .. ويبدو لي حلو ..

ممكن إنّه جديد وما بعد وصل عندنا .. ممكن ،


أتمنى أفدتكم ،،

Share

متعلقات

  • لا متعلقات لهذه التدوينة!
]]> http://m-ro7.com/BLOG/?feed=rss2&p=148 13 [ ميّت "فكرياً"! (1) ] http://m-ro7.com/BLOG/?p=142 http://m-ro7.com/BLOG/?p=142#comments Wed, 04 Mar 2009 07:56:37 +0000 mohand http://m-ro7.com/BLOG/?p=142

من فترة وأنا أبي أكتب عن هـ الموضوع .. ولعل الأستاذ ربيع حمسني ..

كثير من الناس عندهم مشكلة بالتفكير ..

أنا ممكن أُرجع أصل المشكلة هذي للمجتمع/البيئة وهي فعلاً أداة مؤثرة سلباً .. ولكن المشكلة الأساسيّة بنظري من الإنسان نفسه ..

عدد مو بسيط منّا عاش بين بيئة فيها نوع من المشاكل .. وخلونا نتكلم عن بيئتي أنا وبيئة أغلب زوار المدونة .. السعودية أو الخليج بالعموم ..

المجتمع فعلاً يعاني من أكثر من مشكلة .. سواء مشكلة تعددية الآراء بين الإفراط والتفريط .. أو مشكلة التفكير وفهم الواقع/الحوادث .. أو تقبل الأشياء الجديدة/الغريبة .. أو أو أو شغلات واااجد ..

أنا ما أبي أتكلم عن المجتمع كله أو الواقع السلبي اللي نعيشه .. واللي صوره الأستاذ ربيع باليد اللي ماسكة الحبل .. وممكن يكون مكان المجتمع “الأهل/الوالدين” ، “العائلة/الأقارب” ، “الأصدقاء” ، “بيئة العمل” وأكثر من مؤثر ..

أنا أبي أتكلم عن الإنسان نفسه .. “س” من الناس اللي عقله في حالة “شنق” ثقافي !

التعايش مع الواقع الإجتماعي يتطلب مهارة التفريق بين “الناس تبي كذا” و”هذا الصح/الحق” و”أنا أبي كذا” !

وبصراحة هالشي متعب جداً .. وكثير من الناس يكون “متطرف” لأي طرف .. يعني يا يكون “إمّعة” يمشي على كلام الناس بالحرف ولا يلتفت للي يبيه هو فعلاً .. أو يكون “متكبر/جاف” ما يشوف كلام الناس شي ويسوي اللي يبي لأنه يبيه .. والأفضل إن الواحد يقيس كل شي بعقله .. يقدم المصلحة بالبداية .. مصلحته هو .. ويقارن بينها وبين المفسدة المترتبة على الطرف الثاني .. وكل حالة لها حكمها الخاص وصعب بل مستحيل نقول لواحد لازم تختار هـ الإختيار لكل الحالات اللي تواجهك ..

كويس الواحد “يفكر” بكل شي .. الله ما عطاك العقل عشان تمتلي فيه جمجمتك .. الله عطاك العقل عشان تفكر فيه وتفرق أنت بعقلك الواعي بين الصح والغلط .. واللي يصير واللي ما يصير .. و”العيب” فعلاً واللي يسمونه الناس عيب لأنهم تربّوا على كذا ..

مافيه أحد له حق يمنعك من إنك تختار إختياراتك الخاصة بحياتك .. وبنفس الوقت ما يحق لك إنك تختار كل شي بالحياة بناء على رغبتك أنت .. لازم تراعي غن فيه مجتمع وبيئة تعيش معها .. والتوازن مطلوب بكل شي ..

يحق لكل واحد يعيش مثل ما يبغى .. لازم نترك/نفك عن أنفسنا القيود اللي مالها أي فائدة وعلى العكس تكون ضارّة وفيها مفاسد .. ضروري الواحد يعيش الحياة بكل المتعة اللي يبيها مع مراعاة الخطوط الحمراء و”الغلط” اللي فعلاً غلط .. ضروري نجرب اللي نشوفه صح وكويس .. لأن الحياة تجارب والواحد ما يعرف حقيقة الشي إلا إذا جربه ..

إن شاء الله بيكون لهذي التدوينة توابع .. وناوي تكون سلسلة تتكلم حول مجال “التفكير” وبعض الأخطاء اللي نشوفها/نلمسها بالناس اللي حولنا ..

موفقين ،،

Share

متعلقات

]]> http://m-ro7.com/BLOG/?feed=rss2&p=142 6