[ ملاذ روح ]

مساء الخير ..

تذكرون بواجب الأسرار كتبت إن من أصعب الأشياء اللي أسويها إني أتعرف على أحد ..
وكنت أقصد بالتعرف إنه يكون صديق لي .. والا التعرف العام عادي ..

لكن أحياناً فيه ناس تخليك تغيّر بعض الأشياء اللي ماشي عليها بحياتك ..
أول ما توظفت جلست عند واحد من الموظفين .. “عبدالرحيم” أو مثل ما نناديه “رحيم” ..

عبدالرحيم شاب هندي .. من مدينة بومباي .. عمره تقريباً 28 سنة .. مثل ما تشوفون بالصورة فوق ..
سبحان الله كان المكان كأنه مجهز لي ..
بعد فترة بسيطة أكتشفت إنه أفضل مكان بالمكتب كله .. ولو جلست عند واحد غيره من الهنود ممكن ما أرتاح بالشغل زي ما أنا مرتاح الحين ..
أقولكم ليه ..

أهم ميزة بـ “رحيم” إنه إنسان مرح ..
دايم يضحك .. ويستهبل .. من جد ما أذكر من توظفت لليوم يوم أو حتى دوام صباحي أو مسائي ما ضحكنا فيه ..
أنا إنسان أقدر الضحك .. وأحب الضحك وقت الغشل .. يخلي الشغل أسهل وأمتع ..
وهـ الشي ما يعني إنه مقصّر أو ع الأقل عادي .. بالعكس اللي شفته أنه من أفضل الموظفين بالشغل .. وتعلمت منه أشياء واجد ..

غير كذا .. عقليته كبيره ما شاء الله ..
أغلب اللي يشتغلون عندناناس سطحيين .. فعلاً ما عندهم ذيك الثقافة .. وكلهم شياب خلصت أعمارهم بذا الشغل ..
لكن رحيم غير .. حتى إذا جلسنا نسولف يبين فيه ثقافة عالية ما شاء الله .. وعقليته كبيرة ..
ذكي وفطن .. وأستغربت بعد ما عرفته إكثر إنه يشتغل مثل هالشغلة .. وإنّه حجر نفسه هنا ..

أذكر من المواقف المضحكة إننا بيوم خميس العصر كنّا جالسين .ز كان المكتب فاضي مافيه زباين ..
أنا كنت فاتح النت والماسنجر وأسولف ..
عندنا هندي اسمه “مالي مار” شايب ونشبة .. ولازم يدقق بكل شي ..
قال لي : كلوا سعوديين ما في شغل .. بس انترنت وشاتينق ..
قلت له : طيب ما فيه زباين وش تبيني أسوي !؟
التفت علي رحيم وقال : مهند ، روح برا بالشارع .. ونادي : جدة جدة جدة .. ؛ يعني زي التكاسي والكدّادين ..
انكتم الشايب وضحكنا عليه ..

من الأشياء المهمة إنه اذا سالته بالشغل ما يقول لا .. يجاوب على اي استفسار ..
بعكس غيره من الهنود .. أنواع الحسد أعوذ بالله ..
برضو يصلي .. بما إن كثير من الهنود اللي عندنا ما يصلون -والعياذ بالله- إلا إنه يصلي ..

أخلاقه جداً كويسة .. وروحه عالية ..
وأهم شي وأكثر شي عاجبني .. إنه مرح ..

طيّب ! وش علاقة عنوان التدوينة !

بعد دوامي بشهر ونص تقريباً .. قال لي عندي سر بقوله لك الأسبوع الجاي ..
أنا استغربت .. بس ما قدر يصبر .. من بكرا قال لي : إني أرسلت إستقالتي للمدير وقبلها .. وبطلع بعد فترة ..
كان فرحان .. يقول لي إن أمي دقت علي وقالت تعال عندي .. لأنها لحالها إخوانه كلهم متزوجين ويشتغلون برا .. وما بقى إلا هو عزوبي ..

ما أخفيكم ضاق صدري ..
بدون مبالغة أسرع إنسان تعرفت عليه بحياتي هو ..
بالعادة ما أخلي الواحد صديق لي إلا بعد فترة ..
لكن رحيم غير القاعدة ..

وأقول بنفسي : هذا وأنا ما كملت ثلاث شهور أعرفه .. كيف بـ الشباب اللي يعرفونه من سنتين وأكثر هنا !

باقي خمس أيام تقريباً ويسافر ..
الله يوفقه وييسر أموره ،،

مساء الخير ..

واجبين بحلهم سوا .. الواجبات كثيرة ..

الواجب الأول : واجب “الموازيك” ..

ممرر من هذيان ..

أقوم بالإجابة على الأسئلة الـ 12 اللي تحت .. وبعدين الإجابات أحطها في بحث فليكر .. وبعدين أختار الصورة اللي تعجبني من الصفحة الأولى .. وبكذا راح تطلع لي 12 صورة للـ 12 سؤال ..

الصور الـ 12 هذول .. أروح أسويها موزاييك ..

الاسئلة هي :

What’s your name?

Your favourite food?

Your High School?

Your favourite colour?

Your celebrity crush?

Your favourite drink?

Dream Vacation?

Favourite dessert?

Your dream job?

The thing you like best in this world?

A word that describes you?

Your Nick name?

وكانت الصورة :

.. ،

الواجب الثاني :

أنت والتقنية !

ممرر من مراد ..

منذ متى وأنت تتعامل مع الحاسب ؟

بديت مع الحاسب وأنا بالابتدائي ما أذكربالضبط متى ..

أول سي بي يو أشتغلت عليه كان الـ 386 اللي يذكر الدسك الكبير ! قبل تطلع دسكات 1.44 ..

ثم انتقلت لـ 486 .. ثم للبنتيوم .. ون وتو وثري وفور .. وأنظمة التشغيل من وندوز ..

3.1 و 95 و 98 العادي وملينيوم .. و2000 .. وبعدها طلع XP اشتغلت على Home E. و Professional وللحين عليه .. وطبعاً جربت الفيستا ..

في أي عام بدأت التعامل مع الانترنت ؟

أول ما دخلت النت كان عام 1998 .. بس دخلت مرات بسيطة ومع أخوي الكبير ..

وبعدها كنت أدخل خفيف مررة .. دخلت بالنت بقوة عام 2000 .. دايل أب ثم جا الـ DSL .. وللحين عليه ..

مانوع جهازك ونظام التشغيل المستخدم ؟

الحالي : جهاز PC Desktop .. المعالج 2.3 core 2 duo ، الرام 2 قيقا ، الهارد 160 قيقا الداخلي (الخارجي 300+200+120 قيقا) ، الكاش 4 ميقا

كرت الشاشة 512 ، الشاشة 19” LCD ..

كان عندي لابتوب توشيبا أول ما طلع الـ “سنترينو” 1.6 .. والحين ما أدري وينه خرب ..

أفكر بقوة الفترة الجاية أشتري لابتوب MAC ..

كم عدد الساعات التي تقضيها أمام الجهاز / الإنترنت ؟

على حسب الفضوة .. أحياناً ما أقعد الا ساعة أو أقل .. وأحياناً 16-18 ساعة ..

ماهي البرامج التي تجيدها ؟

أنظمة تشغيل وندوز بأنواعها ، حزمة الأوفيس ، محترف فوتوشوب

أشتغلت على برنامج الرسم الاليستريتور ، وبرامج تحرير الفديو: بريمير ويوليد وايدوس ، وبرنامجين للصوت : سامبل تيود و و أدوبي أديشن ..

غير طيعاً برامج خدمية كثيرة ما أقدر أحصرها ..

رأيك بالمواقع والمنتديات العربية ؟

قليل تحصل موقع عربي فعلاً يجبرك ترجع له كل مرة .. خصوصاً إذا كنت تدخل مواقع أجنبية وتشوف الأفكار والتنفيذ الـ مية مية ..

المنتديات أول كانت أكثر من رائعة .. من تالي كل من شبك نت سوا له منتدى .. وصارت كثيرة وما فيها شي مميز ..

قليل تحصل منتدى قوي وفيه أعضاء عليهم الكلام .. ومستمر من زمان ..

المدونات أفضل بديل حالياً للكتاب واللي عندهم شي يقدمونه للناس .. وبالنسبة لي أهم شي المدونات قبل المنتديات والمواقع ..

ماتقييمك لنفسك في استخدام الحاسب ( الدرجة من 5 )

5/5 .. إذا كان طبعاً مقصود الإستخدام العادي .. مو البرمجة والحوسة هذي ..

 

قوانين الواجب:

أذكر اسم من طلب منك حل هذا الواجب.

مراد،محمد المغلوث (المقدام)

.،

أذكر القوانين المتعلقة بهذا الواجب.

تحدث عن ستة أسرار قد لا يكتشفها من يقابلك للمرة الأولى.

.،

حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.

ما بقى مدون ما حلّ ذا الواجب ..

So .. ما راح أحوله لأحد ..

.. ،

1- أحب آكل الطماطم طازج .. وأكرهه إذا صار مطبوخ ..

2- أحب أنواع كثيرة من كل شي ..

مثلاً : بالعطور ؛ ممكن أتعطر من أنواع كثيرة .. عطور باردة .. سبايسي .. ناعمه .. رسمية ….

بالأكل ؛ ممكن آكل إيطالي .. هندي .. أمريكي .. آسيوي …

وهذا الشي يعني إن خياراتي كثيرة ..

3- من أصعب الأشياء اللي أسويها .. إني أتعرف على واحد ..

4- حدسي تجاه الأشخاص/الأشياء غالباً صحيح !

5- أقرأ الجريدة من الصفحة الأخيرة إلى الأولى .. (بالعكس) !

6- أحب أتعلم أشياء جديدة ..

ممكن أقرا وأتابع عن نظرية فلسفية ما يعرف عنها إلا قليل من الناس ..

ممكن أدخل مجال عمل ماله علاقة بتخصصي ولا طموحي ولا أهدافي ولا شي .. أدخله لذات تعلم شي جديد .. مثل وظيفتي الحالية ..

أتمنى إني وفقت لحل الأسئلة كويس ..

وأنا بالتالي آخر واحد حل هـ الواجب الظاهر ..

يالله حيّهم ..

تخبرون قبل فترة قلت لكم إنّي توظفت !

مع الوظيفة الجديدة تصير مواقف كثيرة ..
مضحكة .. مبكية! .. مؤثرة .. مخجلة .. وأشياء واجد ..

حصل لي موقف الثلاثاء الماضي .. أثر فيني فعلاً ..

أول ما بديت أداوم كان فيه موظفين كثيرين ما أعرفهم ..
من ضمنهم واحد اسمه “شاجي” ..

كان هادي جداً .. وكان أول ما جيت ما له مكتب مخصص .. لأنه كان يجاوم بفرع ثاني وقفلوا ذاك الفرع ورجع ..
فـ كان كل يوم بمكتب واحد ..
حتى أنا ما كان لي مكتب معين .. كنّا ثلاثة سعوديين .. ومكتبين ..
يعني واحد لازم يجلس يتفرج ..

ذاك اليوم كنت جالس على مكت والثاني فاضي .. لأن ما داوم إلا أنا .. نسأل الله الإخلاص ..
والمكتب اللي جمبي السستم فيه متعطل .. فـ كنت فاضي وجالس أحوس بالسستم .. أتعلم

جاني وهو مستحي .. قال : ممكن جهاز شوية .. فيه زبون هنا !
قلت له خذ راحتك .. قمت وجلست ع الجهاز الثاني .. اشتغل وهو واقف ..
قلت له : شاجي أنا مافي شغل .. خلاص أجلس هنا ..
استحى مرررة وقال شكراً

بعدها صرت إذا دخلت المكتب أسلم عليه .. دايم الابتسامة ما تفارقه ..
كنت أتعجب منه وكل يوم أعجب فيه أكثر ..
أخلاقه وتواضعه .. جداً عجبني ..

بعدها بفترة صار لي مكتب مخصص ..
وبيوم كان اللي جمبي مو موجود .. كان شاجي جالس مكانه ..
كنت قاعد أسوي حجز .. وبغيت كود مدينة ما كنت أعرفه .. التفت عليه وسألته : شاجي ايش كود كذا ؟
قال لي الكود وشكرته ..
يوم قام قال لي : مهند .. إذا ابغى كود أو كلاس أو أي شي بس أسأل أنا .. مافي مشكلة ..
انحرجت منّه وشكرته ..

بعدها صار له مكتب خاص .. وزي العادة .. إذا دخلت الصبح أسلم عليه لأن مكتبه حول مكتبي ..
ومرة برضو بغيت كود شركة طيران .. سألته وهو بمكتبه -طبعاً نظام المكاتب عندنا بارتشنات مفتوحة .. يعني صالة كبيرة وكل واحد له مكتب .. ومفتوحة ع بعض ..
قلت له : شاجي ايش كود طيران تركي ؟
قال لي الكود .. بعدين قال : فين ابغى روح ؟ رديت : كييف ! -عاصمة أوكرانيا-
قام من مكتبه وجا عندي .. وجلس يوريني كم شغلة أفادتني جداً ..
شكرته وقال : مافي مشكلة مهند ..

يوم الأربعاء كنت أسولف أنا وواحد سعودي عندنا -مديري- .. وجا طاري الموظفين الهنود .. وجلس يعدد لي اللي مب مسلمين .. وقال منهم شاجي ..
قلت أنا مستغرب : شاجي !!
قال ايه شاجي ..
قلت : شاجي ما غيره ! متأكد أنت !
قال : ايه أظن مسيحي أو شي زي كذا ..

عجزت أصدق .. معقولة !!
رحت للموظف اللي جمبي .. هندي مسلم ..
قلت : شاجي مسلم ؟
قال : لا شاجي يهودي !
قلت وأنا بتأكد : يهودي ّ يعني جويش !؟
قال : ايوه يهودي ..

سبحان الله !
أخلاق عالية جداً .. ابتسامة ومساعدة ..
والله يا جماعة ما أدري وش اقول ..

فعلاً انصدمت .. والواقع عندنا إن غالبية الهنود المسلمين ما يساعدك دايم .. عشان ما تصير أحسن منه ..
وقلت غالب لأن فيه منهم كويسين ويخدمون فعلاً ..
لكن الغالب لا ..

وهـ اليهودي ابتسامة وأخلاق وتعامل عالي وخدمة ..

تضاربت عندي المشاعر ..
كرهته .. لأنه يهودي ..
لكن حبيت شاجي الموظف المبتسم !

وهنا عرفت اللي كنت أدرسه قبل ولا كنت أستوعبه تماماً ..
إن التعامل مع غير المسلمين يحتاج حذر وضبط ..
لأنك لازم تكرهه لكفره .. لكن مافيه مانع تحب تعامله وتعامله بالإحسان ..
(( لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ  ))

تحسرت صراحة على حال المسلمين مع بعضهم !
كيف الحسد والحقد اللي أشوفه كل يوم ..
واللي كنت آخر واحد أتوقعه مو مسلم .. طلع يهودي ..
سبحان الله !

تصبحون على خير ،،

..

 

 

منهو يقـول إن الأوادم تشـابه .. لا والـذي سواك ؛ كـذاب ، كذاب

بعض البشر محدن يحس بغيابه .. وبعض البشر قطعة من القلب لاغاب

.. ،

رسالة من كومة رسايل ممكن تجي لجوال أي واحد منّا ..

لكن وقفت عند هالبيتين وتأملت بمعانيها .. وشفت إن فيها معنى عميق .. بسيط

إختلاف البشر فيما بينهم حكمة إلهية وسنة كونية .. ومستحيل تلقى اثنين يتشابهون تماماً .. بأخلاقهم وصفاتهم .. لازم فيه فروقات .. وسواء كثرت أو كبرت هـ الفروقات .. تبقى “فروقات” .. !

وهـ الفروقات سببت تمايز بين الناس .. وصرنا نعرف الجيد ؛ لأن فيه ردي .. ونعرف الصالح ؛ لأن فيه طالح .. ونعرف الصادق ؛ لأن فيه كذاب … وكذا إلى نهاية صفات الناس .. تعرف الزين لأنو في شين .. ولولا الأضداد ما تعلمنا ..

وحتى على مستوى أقل من الأضداد -الكاملة التضاد- تلقى الإختلافات تميّز الناس .. ويتفاوت قدرهم بتفاوت إختلافاتهم بين الأخلاق الجيدة وعكسها ..

وأحسن من الكلام الفلسفي ، بأعطيك مثال ..

صداقاتك -مثلاً- تشوف إن فيها إختلاف وتفاوت .. صح!

يعني عندك أصدقاء مقربين جداً جداً جداً .. وبالعادة يكونون قليلين .. اثنين ثلاثة .. أو واحد ! .. هذولا عندهم كل أسرارك وهمومك ودايم معك .. تحبهم أكثر من غيرهم .. وعندك بالدرجة الأولى ..

عندك برضوا دائرة أوسع شوي .. أصدقاء عمرك .. أو المجموعة اللي تنتمي لها .. يمكن يكونون أصدقاء دراسة .. أو عمل .. أو حارة .. علاقتكم حلوة .. وتتشاوفون كثير .. أكيد تقدرهم وتحبهم .. لكن أقل من اللي قبل ..

وفي دائرة أوسع .. الأصدقاء العاديين ، وفي أوسع .. المعارف ..

فـ كل دائرة تختلف عن الثانية بالتقدير والإهتمام .. لأن الناس اللي في كل دائرة تختلف أخلاقهم وصفاتهم -حسب رؤيتك الشخصية طبعاً- وأقربهم لك أفضلهم عندك .. والعكس بالعكس ..

وهنا مربط الفرس .. يعني لو حصل شي لـ أي واحد من القريبين مو مثل لو حصل للي أبعد .. والا!

وهنا يجي معنى البيت .. بعض الناس -اللي بدائرة المعارف مثلاً- ما تحس بغيابه .. ويمكن تجلس فترة طويلة .. أو طويلة جداً ما شفته ولا كلمته ولا تعرف عن أخباره .. فـ هالشي ما يأثر عليك .. لأنه ببساطة بعيد ..

وبعض البشر -من دائرة المقربين جداً ، مثلاً- لو يغيب عنك يومين تحس بفراغ في حياتك .. وتحس إن فيه شي ناقص .. ولا أزيد على وصف كاتب الأبيات [ قطعة من القلب لا غاب !] ..

.. ،

المهم والمفيد إنك تعرف بأنك تقع -عند معارفك وأصدقائك- بأحد هذه الدوائر .. وغالباً تعرف مكانك تماماً .. فـ لازم تراعي أي فعل تسويه على حسب مكانك .. لأن تأثيره مو مثل تأثير ذات الفعل لو هو من شخص ثاني .. ببساطة برضو : لمكانك قرباً وبعداً ..

والمهم أيضاً .. لا تخلط بين أصحاب الدوائر .. ولا تجرّ تأثير دائرة على أخرى لأن هالشي بيتعبك كثير .. وبيسوي عندك مشاكل وووو

 

· تدوينه كاتبها من زمان بمدونة من المدونات المجانية اللي كانت لي ..